Ályktun

Fundur formanna aðildarfélaga Sjómannasambands Íslands haldinn 17. og 18. október 2003 krefst þess að stjórnvöld sjái til þess að Landhelgisgæsla Íslands fái nægilegt fé á fjárlögum til að geta uppfyllt þær skyldur sem á henni hvíla. Nauðsynlegt er að Landhelgisgæslan sé ávallt vel búin hvað skipakost og tækjabúnað varðar til að takast á við björgun og eftirlit með lögsögunni. Jafnframt þarf hún að vera í stakk búin til að takast á við nýjar og breyttar aðstæður sem upp gætu komið vegna vaxandi umferðar misvel útbúinna skipa sem sigla um íslenskt hafsvæði. Fundurinn undirstrikar nauðsyn þess að efla enn frekar flota gæslunnar svo hún geti betur sinnt hlutverki sínu, sjófarendum til öryggis og hamlað gegn sívaxandi ásælni annarra þjóða inn í lögsögu Íslendinga. Við Íslendingar eigum stóra landhelgi á einu erfiðasta hafsvæði heimsins, sú landhelgi verður ekki varin með aðeins tveimur skipum.

Til baka