Fréttir

Viðmiðunarverð á ýsu lækkar.

Samkvæmt ákvörðun úrskurðarnefndar sjómanna og útvegsmanna lækkar viðmiðunarverð á slægðri og óslægðri ýsu í viðskiptum milli skyldra aðila um 5% frá og með 1. september 2010.

Viðmiðunarverð á þorski lækkar.

Úrskurðarnefnd sjómanna og útvegsmanna hefur ákveðið 5% lækkun á viðmiðunarverði á slægðum og óslægðum þorski í viðskiptum milli skyldra aðila. Verðlækkunin tekur gildi frá og með 1. júlí 2010.

Samkomulag um viðmiðunarverð fyrir ufsa.

Þann 7. júní síðastliðinn var undirritað samkomulag milli samtaka sjómanna og LÍÚ um viðmiðunarverð fyrir ufsa í viðskiptum milli skyldra aðila. Samkomulagið má sjá hér.

Hækkun fæðispeninga 1. júní 2010.

Fæðispeningar til sjómanna hækka um 7,2% frá og með 1. júní 2010

Sjá kaupskrá sem gildi frá 1. júní 2010.

Fiskverð í beinum viðskiptum hækkar frá 1. apríl 2010.

Samkvæmt ákvörðun úrskurðarnefndar sjómanna og útvegsmanna hækkar viðmiðunarverð á slægðum og óslægðum þorski í viðskipum skyldra aðila um 7% frá og með 1. apríl 2010. Viðmiðunarverð á slægðri og óslægðri ýsu í viðskiptum milli skyldra aðila hækkar um 10% frá sama tíma.

Sameiginleg áskorun frá SSÍ, FFSÍ, VM og LÍÚ til stjórnvalda:

Eflum þyrluþjónustu Landhelgisgæslunnar

Nýlegt atvik undirstrikar að niðurskurður á rekstrarfé Landhelgisgæslunnar ógnar öryggi sjómanna á hafi úti. Þá varð Landhelgisgæslan að synja beiðni frá íslenskum togara sem óskaði eftir þyrluhjálp vegna veikinda skipverja. Ekki var hægt að verða við beiðninni, þar sem skipið var um 70 sjómílur frá landi og aðeins ein þyrluvakt til taks. Við slíkar aðstæður er þyrla ekki send lengra en 20 mílur á haf út.

Landhelgisgæslunni er ætlað að sinna mjög víðfeðmu hafsvæði og hún gegnir mikilvægu öryggishlutverki fyrir íslenska sjómenn. Upp geta komið tilvik eða aðstæður, þar sem tími til björgunar er svo naumur að þyrla er eina tækið sem sjómenn geta treyst á.

Þótt þrengingar séu í ríkisrekstri er það dýrkeyptur sparnaður að vega að ákveðnum grunnþáttum á borð við þyrluþjónustu Landhelgisgæslunnar og þar með öryggi sjómanna á hafi úti. Við skorum því á stjórnvöld að efla starfsemi Landhelgisgæslunnar þannig að hún fái sinnt því eftirlits- og öryggishlutverki sem henni er ætlað samkvæmt lögum.

Landssamband íslenskra útvegsmanna,
Farmanna- og fiskimannasamband Íslands,
Sjómannasamband Íslands,
VM - félag vélstjóra og málmtæknimanna

Fiskverð í beinum viðskiptum hækkar.

Á fundi úrskurðarnefndar sjómanna og útvegsmanna var ákveðið  að hækka viðmiðunarverð á þorski, ýsu og karfa í viðskiptum milli skyldra aðila. Verð á slægðum og óslægðum þorski hækkar um 9%, verð á slægðri og óslægðri ýsu hækkar um 10% og verð á karfa hækkar um 5%. Hækkunin tekur gildi 1. febrúar 2010.

Verð á ýsu hækkar.

Úrskurðarnefnd sjómanna og útvegsmanna hefur ákveðið að hækka viðmiðunarverð á slægðri og óslægðri ýsu í beinum viðskiptum um 5%. Verðhækkunin tók gildi þann 7. janúar 2010.

Kaupskrá.

Hér er hægt að nálgast kaupskrá sem gildir frá 1. janúar 2010. Kaupskrá.

Viðmiðunarverð á þorski, ýsu og karfa hækkar frá og með 1. desember 2009.

Á fundi úrskurðarnefndar sjómanna og útvegsmanna var ákveðið að hækka viðmiðunarverð í viðskiptum milli skyldra aðila frá og með 1. desember 2009. Verð á slægðum og óslægðum þorski hækkar um 5%. Verð á slægðri og óslægðri ýsu hækkar um 10% og verð á karfa hækkar um 5%.

Fiskverð í beinum viðskiptum hækkar.

Úrskurðarnefnd sjómanna og útvegsmanna ákvað á fundi þann 2. nóvember síðastliðinn að hækka viðmiðunarverð á þorski, ýsu og karfa í viðskiptum skyldra aðila. Slægður og óslægður þorskur hækkar um 15%, slægð og óslægð ýsa hækkar um 15% og karfi hækkar um 10%. Verðhækkunin tekur gildi 2. nóvember 2009.

Breyting á fiskverði þann 6. okt. 2009.

Á fundi úrskurðarnefndar sjómanna og útvegsmanna var ákveðið að hækka viðmiðunarverð í beinum viðskiptum á slægðum og óslægðum þorski og slægðri og óslægðri ýsu um 15% og á karfa um 10% frá og með 6. október 2009.

Viðmiðunarverð á þorski og karfa hækkar.

Á fundi úrskurðarnefndar sjómanna og útvegsmanna þann 7. september 2009 var ákveðið að hækka viðmiðunarverð á slægðum og óslægðum þorski um 5% og viðmiðunarverð á karfa um 10%. Verðhækkunin tekur gildi 7. september.

Breyting á fiskverði þann 1. júní 2009.

Á fundi þann 28. maí síðastliðinn ákvað úrskurðanefnd sjómanna og útvegsmanna að hækka viðmiðunarverð á slægðri og óslægðri ýsu og karfa í beinum viðskiptum um 10%. Hækkunin á framangreindum fisktegundum tekur gildi þann 1. júní 2009.

Hækkun fæðispeninga frá 1. júní 2009.

Frá og með 1. júní 2009 hækka fæðispeningar hjá sjómönnum á fiskiskipum um 17,5%. Er þetta í samræmi við hækkun á matar og drykkjarvörum í vísitölu neysluverðs frá maí 2008 til maí 2009. Sjá nánar í kaupskrá sem gildir frá 1. júní 2009.

Hækkun á fiskverði þann 1. maí 2009.

Úrskurðarnefnd sjómanna og útvegsmanna hefur ákveðið að hækka viðmiðunarverð á slægðri ýsu í viðskiptum milli skyldra aðila um 10% frá 1. maí. Viðmiðunarverð á óslægðri ýsu hækkar um 17%  og viðmiðunarverð á karfa hækkar um 13% frá sama tíma.

Frá og með 1. apríl 2009 lækkar viðmiðunarverð á þorski og ýsu en hækkar á karfa.

Úrskurðarnefnd sjómanna og útvegsmanna hefur ákveðið að lækka viðmiðunarverð á slægðum og óslægðum þorski í beinum viðskiptum um 12% frá og með 1. apríl. Viðmiðunarverð á slægðri og óslægðri ýsu lækkar um 3% frá sama tíma. Viðmiðunarverð á karfa í beinum viðskiptum hækkar hins vegar um 10% frá og með 1. apríl.

Viðmiðunarverð á þorski og ýsu lækkar frá 1. mars.

Úrskurðarnefnd sjómanna og útvegsmanna ákvað að lækka viðmiðunarverð á slægðum og óslægðum þorski í beinum viðskiptum um 15% frá 1. mars. Frá sama tíma lækkar viðmiðunarverð á slægðri og óslægðri ýsu í beinum viðskiptum um 10%. Viðmiðunarverð á karfa er hins vegar óbreytt.

Viðmiðunarverð á þorski og ýsu lækkar frá 1. febrúar.

Á fundi úrskurðarnefndar var ákveðið að lækka viðmiðunarverð á þorski í beinum viðskipum um 10% og að lækka viðmiðunarverð á ýsu í beinum viðskiptum um 5%. Viðmiðunarverð á karfa helst óbreytt. Lækkunin tekur gildi þann 1. febrúar.

Kjarasamningurinn samþykktur.

Atkvæði um kjarasamninginn milli SSÍ og LÍÚ sem undirritaður var þann 17. desember síðastliðinn voru talin þann 7. janúar. Á kjörskrá voru 1971. Atkvæði greiddu 388 og var niðurstaðan þannig:

Já sögðu 329 eða 84,8% þeirra sem kusu.

Nei sögðu 45 eða 11,6% þeirra sem kusu.

Auðir og ógildir seðlar voru 14 eða 3,6% þeirra sem kusu.

Samkvæmt framansögðu er samningurinn samþykktur.

Kjarasamningur  milli SSÍ og LÍÚ undirritaður.

Þann 17. desember 2008 var undirritaður nýr kjarasamningur milli Sjómannasambands Íslands og Landssambands ísl. útvegsmanna. Samningurinn er framlenging á síðast gildandi samningi með þeim breytingum sem fram koma í þessum samningi. Atkvæði um kjarasamninginn verða greidd hjá hverju aðildarfélagi fyrir sig og á atkvæðagreiðslu að ljúka fyrir áramót. Í upphafi næsta árs verða atkvæði síðan talin sameiginlega hjá aðildarfélögum SSÍ sem samningurinn nær til. Verði samningurinn samþykktur hækkar kauptrygging og launaliðir frá 1. janúr 2009.

Sjá samninginn.

Sjá kaupskrá frá 1. janúar 2009.

Ályktanir 26. þings SSÍ.

Á 26. þingi Sjómannasambands Íslands var samþykkt ályktun um kjara- og atvinnumál og ályktun um öryggis- og tryggingamál.

Sjá ályktunina um kjara- og atvinnumálin.

Sjá ályktunina um öryggis- og tryggingamálin.

Sjómennt, fræðslusjóður sjómanna!

Sjómennt er fræðslusjóður útgerðarfyrirtækja og sjómanna.

Sjómennt varð að veruleika 31. maí 2002 með undirritun samkomulags Samtaka atvinnulífsins (SA), Landssambands íslenskra útvegsmanna (LÍÚ) og Sjómannasambands Íslands (SSÍ).  Helstu verkefni Sjómenntar eru m.a. að styrkja starfstengt nám og námskeið fyrir sjómenn. Þá munu samstarfsverkefni á vegum tveggja eða fleiri aðila njóta forgangs hjá Sjómennt og er hvatt sérstaklega til samstarfs sjómanna og útgerða í þessu sambandi.

Stjórn Sjómenntar hefur gert samkomulag við Tækniskólann - skóla atvinnulífsins um rekstur sjóðsins og mun Anna V. Einarsdóttir sjá um hann. Heimasíða Sjómenntar er á slóðinni www.sjomennt.is og netfangið sjomennt@sjomennt.is.