Kjarasamningurinn á pdf formi er kominn hér á heimasíðuna
Samningurinn sem var samþykktur 6. febrúar 2024 er kominn á síðuna undir Kjaramál. Þar undir ,,Kjarasamningur milli SSÍ og SFS" Þar er vísun inná,,Kjarasamningur 2024" Hægt er að fara í ´efnisyfirlitið og smella á viðkomandi grein og hún kemur upp.
Samningurinn fer nú í prentun og verður tilbúinn fljótlega til dreifingar.
Ályktanir 34. þings SSÍ eru einnig komnar inn undir ,,Ályktanir og samþykktir"
34. Þing Sjómannasambands Íslands
34. þing SSÍ fór fram á Grand Hótel 30. og 31. október 2025
Við byrjuðum þingið á ávarpi Atvinnuvegaráðherra, Hönnu Katrínar Friðriksson.
Í máli hennar kom fram vilji til að vinna betur með sjómönnum að hagsmunamálum þeirra. Td. að Verðlagsstofa skiptaverðs verði efld.
Einnig héldu erindi Finnbjörn A Hermannsson forseti ASÍ. Árni Sverrisson formaður FS og Guðmundur H Þórarinsson formaður VM. Mæltist þeim vel.
Margar og góðar ályktanir voru samþykktar á þinginu eins og sjá má undir flipanum ,,Ályktanir og samþykktir".
Ný sambandsstjórn var kjörin til næstu fjögurra ára. Undir flipanum ,,Um SSÍ" er ný stjórn SSÍ.
Við kvöddum tvo góða liðsmenn sem látið hafa af störfum. Vigni S. Maríasson sem verið hefur í stjórn Sambandsins
og Jakob Hjaltalín frá Húsavík sem verið hefur viðloðandi sjómannadeild Framsýnar lengur en elstu menn muna.
Var þeim færður þakklætisvottur fyrir góð störf í þágu sjómanna.
Í lok þings færðu SSÍ, FS og VM, Slysavarnaskóla sjómanna 25 milljónir að gjöf sem er hlutur félaganna þriggja vegna slita Fiskifélags Íslands.
Ljósmyndakeppni sjómanna 2025
Ljósmyndakeppni sjómanna
Árið 2002 hóf Sjómannablaðið Víkingur að standa fyrir ljósmyndakeppni meðal sjómanna. Keppnin hefur ávallt verið hugsuð til að efla og auka áhuga sjómanna á tómstundaiðju samhliða störfum sínum á sjó og hvetjum við alla sjómenn til að taka þátt. Keppni Víkingsins fer ávallt fram í byrjun desember ár hvert og eru veitt þrenn verðlaun. Allir íslenskir sjómenn og sjómenn á íslenskum skipum geta tekið þátt í keppninni. Dómnefnd velur að auki 12 myndir til viðbótar sem taka síðan þátt í Norðurlandakeppni sjómanna sem fer fram í febrúar árið eftir. Þau 23 ár sem sjómenn úr íslensku keppninni hafa tekið þátt í Norðurlandakeppninni hafa verðlaun komið í hendur okkar þátttakenda 18 sinnum. Nú er svo komið að margir farsímar eru með gríðarlega góð myndagæði í myndavélum sínum og hafa slíkar myndir náð mjög langt í keppninni sem sýnir að það þarf ekki að eiga einhverjar fullkomnar myndavélar til að geta tekið þátt heldur einungis gott auga fyrir góðu myndefni. Reglur keppninnar eru ekki flóknar en þær eru eftirfarandi:
- Hver þátttakandi má senda inn að hámarki 15 myndir.
- Myndir eiga að vera í hæstu mögulegri upplausn.
- Myndefnið á að tengjast umhverfi sjómannsins hvort heldur er um borð í skipum, frá landi hvort heldur er í vinnu eða frítíma.
- Með hverri mynd á að fylgja heiti, hvar myndin var tekin auk upplýsinga um á hvaða skipi viðkomandi starfar.
- Myndir eiga helst ekki vera eldri en tveggja ára.
- Myndir með vatnsmerkjum, tímastimpli eða nafni á myndinni eru ekki gjaldgengar.
- Myndir sem sendar eru inn verða að vera í eigu þess sem tók myndina með því að sá/sú ýtti á afsmellarann og á höfundarrétt hennar.
- Ljósmyndarinn tekur ábyrgð á að ef einstaklingar séu á myndinni að heimild sé fyrir að birta hana.
- Með þátttöku samþykkir ljósmyndarinn að umsjónamaður keppninnar fari með þínar upplýsingar í samræmi við upplýsingalögin í þeim eina tilgangi að upplýsa um þig í tengslum við íslensku og Norðurlandakeppnina.
- Áskilinn er réttur til að birta myndirnar í blöðum þeirra aðila, sem að keppninni standa, án greiðslu.
- Skilafrestur er til 1. desember nk.
Umsjónarmaður keppninnar er Hilmar Snorrason, fv. skólastjóri Slysavarnaskóla sjómanna, og tekur hann við stafrænum myndum í keppnina á netfangið
eða
Ef myndir eru sendar inn á öðru formi skulu þær sendar til:
Félag skipstjórnarmanna
V/Sjómannablaðsins Víkings
Ljósmyndakeppni
Grensásvegi 13
105 Reykjavík
Fiskifélagi Íslands slitið þann 24. júní 2025
Fiskifélagi Íslands slitið.
Fiskifélagi Íslands var slitið þann 24. júní 2025.
Meðfylgjandi er frétt um það.
Hlutur Sjómannasambands Íslands í Fiskifélaginu fer til Slysavarnaskóla Sjómanna til, kaupa á nýjum MOB báti fyrir skólann.
Hækkun kauptryggingar
16. apríl 2025
Hækkun kauptryggingar frá 1. apríl 2025
Þar sem launavísitala á almennum markaði hækkaði hlutfallslega meira en 4. lfl. kjarasamninga SGS/Eflingar á tímabilinu nóv.23-nóv.24 kemur svokallaður kauptaxtaauki til framkvæmdar. Forsendunefnd stöðugleikasamningsins hefur komist að þeirri niðurstöðu að kauptaxtaaukinn sé 0,58%. Það þýðir að allir lágmarkskauptaxtar kjarasamninga hækka um það hlutfall frá 1. apríl 2025
Hækkunin er uppfærð undir ,,Kaupskrá" hér á síðunni.
https://www.ssi.is/kjaramal/kaupskra/
Kaupskrá hækkar frá 1. janúar 2025
Kauptrygging og kaupliðir samkvæmt kjarasamningi SSÍ og SFS hækka frá 1. janúar 2025.
Kauptrygging hækkar um 5,6% og aðrir kuapliðir um 3,5%
Kaupskrána má nálgast hér.
Hækkun kauptryggingar og annarra kaupliða frá 1. febrúar 2024
Í kjarasamningi milli SSÍ og SFS sem undirritaður var þann 6. febrúar síðastliðinn er ákvæði um að kauptrygging og aðrir kaupliðir hækki til samræmis við kauphækkanir sem samið er um á almenna vinnumarkaðnum frá gildistöku samningsins.
Samkvæmt framangreindu ákvæði hækkar kauptrygging og kaupliðir í kjarasamningi Sjómannasambands Íslands frá og með 1. febrúar 2024 vegna kjarasamnings milli SGS og SA sem undirritaður var 7. mars síðastliðinn.
Kauptrygging sjómanna hækkar frá 1. febrúar 2024 um 5,9% og aðrir kaupliðir hækka frá sama tíma um 3,25%.
Kaupskrá sem gildir frá 1. febrúar 2024 má nálgast hér.
Niðurstaða úr kosningu um kjarasamninginn milli SSÍ og SFS
Atkvæðagreiðslu um kjarasamninginn milli Sjómannasambands Íslands og Samtaka fyrirtækja í sjávarútvegi sem undirritaður var þann 6. febrúar síðastliðinn lauk kl. 15:00 í dag.
Á kjörskrá voru 1104 og greiddu 592 atkvæði um samninginn eða 53,62%
Niðurstaða atkvæðagreiðslunnar er þessi:
Af þeim sem kusu sögðu 367 já eða 61,99%, 217 sögðu nei eða 36,66% og auðir og ógildir seðlar voru 8 eða 1,35%.
Af þeim sem tóku afstöðu sögðu 62,84% já og 37,16% sögðu nei.
Samningurinn var því samþykktur.
Kjarasamningurinn
Í dag var undirritaður nýr kjarasamningur milli SSÍ og SFS. Eins og fram kemur í fréttatilkynningu hér að framan er samningurinn byggður á samningnum sem felldur var í fyrra en í þessum samningi er tekið tillit til helstu atriða sem voru gagnrýnd í þeim samningi.
Kynningu á helstu atriðum samningsins og þeim breytingum sem gerðar voru má sjá sjá hér.
Samninginn í heild sinni má nálgast hér.
Atkvæðagreiðsla um samninginn verður rafræn og hefst á hádegi þann 12. febrúar. Atkvæðagreiðslunni lýkur kl. 15:00 þann 16. febrúar. Athugið að hver einstaklingur getur aðeins kosið einu sinni og því ekki hægt að breyta atkvæðinu eftir að búið er að kjósa. Því er mikilvægt að sjómenn kynni sér samninginn vel áður en þeir kjósa.