Ljósmyndakeppni sjómanna 2025

Ljósmyndakeppni sjómanna

Árið 2002 hóf Sjómannablaðið Víkingur að standa fyrir ljósmyndakeppni meðal sjómanna. Keppnin hefur ávallt verið hugsuð til að efla og auka áhuga sjómanna á tómstundaiðju samhliða störfum sínum á sjó og hvetjum við alla sjómenn til að taka þátt. Keppni Víkingsins fer ávallt fram í byrjun desember ár hvert og eru veitt þrenn verðlaun. Allir íslenskir sjómenn og sjómenn á íslenskum skipum geta tekið þátt í keppninni. Dómnefnd velur að auki 12 myndir til viðbótar sem taka síðan þátt í Norðurlandakeppni sjómanna sem fer fram í febrúar árið eftir. Þau 23 ár sem sjómenn úr íslensku keppninni hafa tekið þátt í Norðurlandakeppninni hafa verðlaun komið í hendur okkar þátttakenda 18 sinnum. Nú er svo komið að margir farsímar eru með gríðarlega góð myndagæði í myndavélum sínum og hafa slíkar myndir náð mjög langt í keppninni sem sýnir að það þarf ekki að eiga einhverjar fullkomnar myndavélar til að geta tekið þátt heldur einungis gott auga fyrir góðu myndefni. Reglur keppninnar eru ekki flóknar en þær eru eftirfarandi:

• Hver þátttakandi má senda inn að hámarki 15 myndir.
• Myndir eiga að vera í hæstu mögulegri upplausn.
• Myndefnið á að tengjast umhverfi sjómannsins hvort heldur er um borð í skipum, frá landi hvort heldur er í vinnu eða frítíma.
• Með hverri mynd á að fylgja heiti, hvar myndin var tekin auk upplýsinga um á hvaða skipi viðkomandi starfar.
• Myndir eiga helst ekki vera eldri en tveggja ára.
• Myndir með vatnsmerkjum, tímastimpli eða nafni á myndinni eru ekki gjaldgengar.
• Myndir sem sendar eru inn verða að vera í eigu þess sem tók myndina með því að sá/sú ýtti á afsmellarann og á höfundarrétt hennar.
• Ljósmyndarinn tekur ábyrgð á að ef einstaklingar séu á myndinni að heimild sé fyrir að birta hana.
• Með þátttöku samþykkir ljósmyndarinn að umsjónamaður keppninnar fari með þínar upplýsingar í samræmi við upplýsingalögin í þeim eina tilgangi að upplýsa um þig í tengslum við íslensku og Norðurlandakeppnina.
• Áskilinn er réttur til að birta myndirnar í blöðum þeirra aðila, sem að keppninni standa, án greiðslu.
• Skilafrestur er til 1. desember nk.

Umsjónarmaður keppninnar er Hilmar Snorrason, fv. skólastjóri Slysavarnaskóla sjómanna, og tekur hann við stafrænum myndum  í keppnina á netfangið

ljosmyndakeppni@outlook.com

eða

captsnorrason@outlook.com

Ef myndir eru sendar inn á öðru formi skulu þær sendar til:

Félag skipstjórnarmanna

V/Sjómannablaðsins Víkings

Ljósmyndakeppni

Grensásvegi 13

105 Reykjavík

Fiskifélagi Íslands slitið þann 24. júní 2025

Fiskifélagi Íslands slitið.

Fiskifélagi Íslands var slitið þann 24. júní 2025. 

Meðfylgjandi er frétt um það.

Hlutur Sjómannasambands Íslands í Fiskifélaginu fer til Slysavarnaskóla Sjómanna til, kaupa á nýjum MOB báti fyrir skólann.

Hækkun kauptryggingar

16. apríl 2025

Hækkun kauptryggingar frá 1. apríl 2025

Þar sem launavísitala á almennum markaði hækkaði hlutfallslega meira en 4. lfl. kjarasamninga SGS/Eflingar á tímabilinu nóv.23-nóv.24 kemur svokallaður kauptaxtaauki til framkvæmdar. Forsendunefnd stöðugleikasamningsins hefur komist að þeirri niðurstöðu að kauptaxtaaukinn sé 0,58%. Það þýðir að allir lágmarkskauptaxtar kjarasamninga hækka um það hlutfall frá 1. apríl 2025

Hækkunin er uppfærð undir ,,Kaupskrá" hér á síðunni.

https://www.ssi.is/kjaramal/kaupskra/ 

Kaupskrá hækkar frá 1. janúar 2025

Kauptrygging og kaupliðir samkvæmt kjarasamningi SSÍ og SFS hækka frá 1. janúar 2025.

Kauptrygging hækkar um 5,6% og aðrir kuapliðir um 3,5%

Kaupskrána má nálgast hér.

Hækkun kauptryggingar og annarra kaupliða frá 1. febrúar 2024

Í kjarasamningi milli SSÍ og SFS sem undirritaður var þann 6. febrúar síðastliðinn er ákvæði um að kauptrygging og aðrir kaupliðir hækki til samræmis við kauphækkanir sem samið er um á almenna vinnumarkaðnum frá gildistöku samningsins.

Samkvæmt framangreindu ákvæði hækkar kauptrygging og kaupliðir í kjarasamningi Sjómannasambands Íslands frá og með 1. febrúar 2024 vegna kjarasamnings milli SGS og SA sem undirritaður var 7. mars síðastliðinn.

Kauptrygging sjómanna hækkar frá 1. febrúar 2024 um 5,9% og aðrir kaupliðir hækka frá sama tíma um 3,25%.

Kaupskrá sem gildir frá 1. febrúar 2024 má nálgast hér.

Niðurstaða úr kosningu um kjarasamninginn milli SSÍ og SFS

Atkvæðagreiðslu um kjarasamninginn milli Sjómannasambands Íslands og Samtaka fyrirtækja í sjávarútvegi sem undirritaður var þann 6. febrúar síðastliðinn lauk kl. 15:00 í dag.

Á kjörskrá voru 1104 og greiddu 592 atkvæði um samninginn eða 53,62%

Niðurstaða atkvæðagreiðslunnar er þessi:

Af þeim sem kusu sögðu 367 já eða 61,99%, 217 sögðu nei  eða 36,66% og auðir og ógildir seðlar voru 8 eða 1,35%.

Af þeim sem tóku afstöðu sögðu 62,84% já og 37,16% sögðu nei.

Samningurinn var því samþykktur.

Kjarasamningurinn

 Í dag var undirritaður nýr kjarasamningur milli SSÍ og SFS. Eins og fram kemur í fréttatilkynningu hér að framan er samningurinn byggður á samningnum sem felldur var í fyrra en í þessum samningi er tekið tillit til helstu atriða sem voru gagnrýnd í þeim samningi.

Kynningu á helstu atriðum samningsins og þeim breytingum sem gerðar voru má sjá sjá hér.

Samninginn í heild sinni má nálgast hér.

Atkvæðagreiðsla um samninginn verður rafræn og hefst á hádegi þann 12. febrúar. Atkvæðagreiðslunni lýkur kl. 15:00 þann 16. febrúar. Athugið að hver einstaklingur getur aðeins kosið einu sinni og því ekki hægt að breyta atkvæðinu eftir að búið er að kjósa. Því er mikilvægt að sjómenn kynni sér samninginn vel áður en þeir kjósa.

Fréttatilkynning - Nýr kjarasamningur undirritaður

Nýr kjarasamningur undirritaður

Nýr kjarasamningur á milli Sjómannasambands Íslands og Samtaka fyrirtækja í sjávarútvegi (SFS) var undirritaður í dag í húsnæði Ríkissáttasemjara. Samningar á milli aðila hafa verið lausir frá árinu 2019. Árið 2023 var nýr kjarasamningur felldur í atkvæðagreiðslu sjómanna.
Samningaviðræður um nýjan samning hafa staðið yfir síðustu mánuði. Í þeim viðræðum var lögð mikil áhersla á að taka tillit til þeirra athugasemda og gagnrýni sem fram kom í umræðum um samninginn á síðasta ári og hefur það gengið eftir í helstu atriðum.

Nú að lokinni undirritun verða samningarnir kynntir ítarlega fyrir félagsmönnum og að því loknu hefst rafræn atkvæðagreiðsla 12. febrúar kl. 12:00 og lýkur föstudaginn 16. febrúar kl. 15:00

Valmundur Valmundsson, formaður Sjómannasambandsins:
„Við erum núna í þeirri stöðu að vera með kjarasamning í höndunum sem við höfum undirritað og er að fara í atkvæðagreiðslu hjá sjómönnum innan okkar félaga. Að mínu mati er þetta góður samningur og við höfum náð að semja um flest þau atriði sem gagnrýnd voru í samningnum sem var felldur í fyrra. Núna eru sjómenn í góðri stöðu til að samþykkja samning sem verður með binditíma í 5 ár og ég vonast eftir því að samningurinn verði samþykktur“.

Breytingar á binditíma, uppsagnarákvæði og fleiri breytingar
Í nýja samningnum er binditími samningsins styttur verulega eða úr 10 árum í 5 ár. Það felur í sér að sjómenn geta sagt samningnum upp eftir 5 ár og svo aftur eftir 7 ár. Þetta er gundvallarbreyting á samningnum.

Önnur mikilvæg breyting er að grein 1.39 í samningnum hefur verið breytt. Tekið er út að samningsbundinn gerðardómur leysi úr ágreiningi sem komið getur upp milli aðila vegna ákvæðisins. Í staðinn skipa samningsaðilar hlutlausa óvinhalla nefnd sem hefur það hlutverk. Ef ekki næst samkomulag um nefndarmenn mun Ríkissáttasemjari koma að skipan nefndarmanna.

Þá má finna mikilvæga breytingu um ísun yfir kör sem fara í gáma til sölu erlendis og verður sú ísun ekki á hendi skipverja nema í neyðartilvikum, samkvæmt nýjum samningi. Útgerðarmenn eiga að semja við löndunargengi á staðnum um að ísa yfir körin sem fara í gámana, eigi skipverjar frí við löndun skv. kjarasamningi. Ef sjómenn sjá um yfirísun sjálfir í neyðartilfellum fár þeir greidda yfirvinnu fyrir.

Í samningunum nú er að finna sambærilegt ákvæði og var í síðasta samningi um að framlag í lífeyrissjóð geti hækkað úr 12,0% í 15,5% en sjómenn hafa þó val um þetta atriði.

Sjómenn fá 400.000 króna eingreiðslu frá útgerðarfyrirtækjum ef samningur verður samþykktur. Þetta er viðbót frá fyrri samningi sem skiptir máli. Kemur til greiðslu 1. mars 2024.

Desemberuppbót kemur inn í samninginn þann 15. desember 2028. Miðað verður við 160 lögskráningardaga á ári.
Nánari upplýsingar um kjarasamningana má finna á vefsvæði Sjómannasambandsins og facebooksíðu sambandsins www.ssi.is og https://www.facebook.com/sjomannasamband

Upplýsingar um samningana gefa:
Hólmgeir Jónsson framkvæmdastjóri Sjómannasambandsins í síma 892-0175
Valmundur Valmundsson formaður Sjómannasambandsins í síma 869-8687